Din is-sensiela ta' sitt workbooks inħadmet biex tieħu post is-sensiela ta' qabel (Nikteb bil-Malti).
Is-sensiela MALTI nħadmet fuq qies ta' A4 u kull ktieb fih ħafna aktar materjal minn dawk ta' qabel.
Żdied ukoll ktieb ieħor (Malti Għall-Bidu) imfassal apposta għat-tfal iż-żgħar li jkunu għadhom qed jitgħallmu jiktbu l-ittri.
Trevor Żahra twieled iż-Żejtun fl-1947. Ta’ età żgħira beda jikteb poeżija u stejjerr għat-tfal u fl-1971 ippubblika l-ewwel ktieb tiegħu: Il-Pulena tad-Deheb ... avventura għat-tfal. Minn dakinhar lil hawn kompla jikteb u jippubblika kull sena, u llum, bejn kotba ċkejknin għat-tfal, rumanzi u novelli għall-kbar, huwa ppubblika ’l fuq minn 130 ktieb. Huwa kien għalliem tal-Malti u tal-Arti u għalhekk Żahra jillustra l-kotba tiegħu huwa stess. Rebaħ il-Premju Nazzjonali tal-Ktieb għal 18-il darba u fl-2004 rċieva l-Medalja għall-Qadi tar-Repubblika bħala rikonoxximent tal-kontribut tiegħu fil-qasam tal-letteratura għat-tfal.
Malti
English